حركات لطيفة مع الأطفال
حركات لطيفة ممكن نعملها مع أولادنا
• بعد ما الأولاد يدخلوا أوضتهم عشان يناموا.... وقبل ما يروحوا في النوم
.... إتكلم بصوت عالي مع مامتهم بحيث يسمعوك وقول مميزات في كل واحد
فيهم ...أو قولي لجوزك قد إيه إنتي بتحبيهم أو قد ايه هما غالين عندكم
وكده.... إنتم متخيلين شعورهم إيه وقتها
• لما بجمع الولاد عشان نقعد ندعي ربنا باللي إحنا عاوزينه.... بدعي لكل
واحد فيهم بالاسم قصادهم.. وباطلب من ربنا انه يحبهم زي ماهو زرع جوايا
حبي ليهم... وقتها بلاقيهم بشكل لا إرادي بيقوموا يجوا في حضني ❤
• لما حد فيهم يعمل حاجة مميزة ..تعالى قصاد الناس اللي هو بيحبهم .
.وقول كلمتين شكر وإعجاب على تميزه.
الحركات البسيطة دي بتحسس الطفل قد إيه هو محبوب وقد إيه انتم متقبلينه
وبتزيد من ثقته في نفسه وبتزيل أثر أي شد وجذب ممكن يحصل أثناء اليوم.
الثلاثاء، 8 ديسمبر 2020
حركات لطيفة مع الأطفال
الاشتراك في:
تعليقات الرسالة (Atom)
ليست هناك تعليقات:
إرسال تعليق