شهور السنة المصرية

التقويم الأصلى للمصريين القدماء ، والأمثال التى أطلقها عليها المصريون .
-توت 11 سبتمبر - 10 أكتوبر
توت يقول للحر موت (كناية عن نهاية فصل الصيف)
- بابه 11 أكتوبر - 9 نوفمبر
بابة ادخل واقفل البوابة ..( بدايات البرد )
إن صح زرع بابه يغلب النهابة (الخير الوفير)
- هاتور 10 نوفمبر - 9 ديسمبر
هاتورأبو الذهب المنثور ( الدهب المنتور كناية عن زراعة حبوب القمح )
- كياك 10 ديسمبر - 8 يناير
كيهك صباحك مساك, تقوم من فطورك تحضر عشاك (أقصر أيام العام )
- طوبه 9 يناير - 7 فبراير
طوبه يخلى العجوزة كركوبة
الاسم لطوبة والفعل لأمشير
طوبه ماتبلش ولا عرقوبة .. (كل ده كناية عن شدة البرد بدون مطر)
- أمشير 8 فبراير - 10 مارس
أمشير أبو الزعابيب الكتير ياخد العجوزة ويطير (شدة العواصف)
امشير يخللى الزرع يسير (نمو القمح والبرسيم والفول وغيرهم)
- بارمهات 10 مارس - 8 أبريل
برمهات روح الغيط وهات (كناية عن الخير ف الأرض فول وقمح وترمس )
- بارموده 9 أبريل - 8 مايو
فى بارموده دق العمودة (كناية عن حصاد القمح والشعير العمودة يعنى المظلة عشان الحر والشمس)
-بشنس 9 مايو - 7 يونيه
بشنس يكنس الغيط كنس ( نهاية موسم حصاد القمح وتنضيف الغيط للزرعة التالية)
-بؤونه 8 يونيه - 7 يوليه
بؤونه أبو الحرارة الملعونة
شهر بؤونة يفلق الحجر ( كناية عن شدة الحر
-أبيب 8 يوليه - 9 أغسطس
فى أبيب يفور النيل
أبيب فيه العنب يطيب
أبيب مية النيل فيه تريب ( موسم العنب والزبيب وبدايات الفيضان)
- مسرى7 أغسطس - 5 سبتمبر
مسرى تجرى فيه كل ترعة عسرة
عنب مسرى إن فاتك متلقاش ولا كسرة ( الفيضان بيجرى المية فى كل الترع)
وادى خير مصر على مدار السنة:
ماشوفتش زى ما فى مصر من مايّة طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل أبيب، وعنب مسرى، ورطب توت، ورمان بابة، وموز هاتور، وسمك كيهك.
منقول